ಪಾಲಿಕೆಯ ಆಸ್ತಿ ಕಬಳಿಸಿದರಾ ಅಂಜನಾ ಪಟೇಲ ಸೇವಾ ಸಮಾಜ..ಕಣ್ಣಿದ್ದು ಕುರುಡರಾದ ಪಾಲಿಕೆಯ ಅಧಿಕಾರಿಗಳು..ಕಂಡ ಕಂಡವರ ಪಾಲಾಗುತ್ತಿವೆ ಪಾಲಿಕೆಯ ಆಸ್ತಿಗಳು..

ಪಾಲಿಕೆಯ ಆಸ್ತಿ ಕಬಳಿಸಿದರಾ ಅಂಜನಾ ಪಟೇಲ ಸೇವಾ ಸಮಾಜ..ಕಣ್ಣಿದ್ದು ಕುರುಡರಾದ ಪಾಲಿಕೆಯ ಅಧಿಕಾರಿಗಳು..ಕಂಡ ಕಂಡವರ ಪಾಲಾಗುತ್ತಿವೆ ಪಾಲಿಕೆಯ ಆಸ್ತಿಗಳು..

ಹುಬ್ಬಳ್ಳಿ:-ವಾಣಿಜ್ಯ ನಗರಿ ಹುಬ್ಬಳ್ಳಿಯಲ್ಲಿ ಬಹುತೇಕ ವ್ಯಾಪಾರವನ್ನು ತಮ್ಮ ಹಿಡಿತದಲ್ಲಿಟ್ಟುಕೊಂಡಿರುವ ಮಾರವಾಡಿಗಳು ಈಗ ಪಾಲಿಕೆಯ ಆಸ್ತಿ ಕಬಳಿಸಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.

ಎಲ್ಲಿಯ ಆಸ್ತಿಯನ್ನ ಮಾರವಾಡಿಗಳು ಕಬಳಿಸಿದ್ದಾರೆ ಅಂತೀರಾ..ಮಾರವಾಡಿಗಳು ಸೇರಿಕೊಂಡು ಅಂಜನಾ ಪಟೇಲ ಸೇವಾ ಸಮಾಜ ಅಂತಾ ಒಂದು ಸಂಘ ಕಟ್ಟಿಕೊಂಡು ಅದಕ್ಕೊಂದು ಗೋಕುಲ್ ರಸ್ತೆಯ ಕೋಟಿಲಿಂಗೇಶ್ವರ ನಗರದ ಸಿಟಿಎಸ್ ನಂ 4918 ರಲ್ಲಿ ಸಮುದಾಯ ಭವನ ಕಟ್ಟಿಕೊಂಡಿದ್ದಾರೆ.ಆ ಸಮುದಾಯ ಭವನಕ್ಕೆ ಹೊಂದಿಕೊಂಡಿರುವ ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆಯ ಉದ್ಯಾನವನಕ್ಕೆ ಮೀಸಲಿಟ್ಟ ಸಿಟಿಎಸ್ ನಂಬರ 4917/ಬ ಪ್ಲಾಟ್ ನಂಬರ 43 ಎ ಜಾಗೆಯನ್ನ ಕಬಳಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.

ಸುಮಾರು ಹತ್ತು ವರ್ಷಗಳಿಂದ ಉದ್ಯಾನವನ್ನು ಕಬಳಿಸಿಕೊಂಡು ಅದಕ್ಕೊಂದು ಕಂಪೌಂಡ ಹಾಕಿಕೊಂಡು ಜೊತೆಗೆ ಅದಕ್ಕೊಂದು ಗೇಟು ಹಾಕಿಕೊಂಡಿದ್ದಾರೆ.ಕಳೆದ ಹತ್ತು ವರ್ಷಗಳಿಂದ ಉದ್ಯಾನವನ ಕಬಳಿಸಿ ಉಪಯೋಗ ಮಾಡುತ್ತಿರುವ ಅಂಜನಾ ಪಟೇಲ ಸೇವಾ ಸಮಾಜಕ್ಕೆ ಪಾಲಿಕೆಯು ಈ ವರೆಗೆ ಕ್ರಮಕೈಕೊಳ್ಳದಿರುವುದು ವಿಪರ್ಯಾಸವೇ ಸರಿ.

ಪಾಲಿಕೆಯ ಆಸ್ತಿಯನ್ನ ಕಬಳಿಸಿ ಉಪಯೋಗ ಮಾಡುತ್ತಿರುವ ಅಂಜನಾ ಪಟೇಲ ಸೇವಾ ಸಮಾಜಕ್ಕೆ ಪಾಲಿಕೆ ಅವರಿಗೆ ದಂಡ ಹಾಕುವ ಜೊತೆಗೆ ಪಾಲಿಕೆಯ ಆಸ್ತಿಯನ್ನು ಪಡೆದು ಕೊಳ್ಳುತ್ತಾರಾ ಅಥವಾ ರಾಜಕೀಯ ಒತ್ತಡಕ್ಕೆ ಮಣಿದು ಪಾಲಿಕೆಯ ಆಸ್ತಿಯನ್ನು ಅವರಿಗೆ ಬಿಡುತ್ತಾರಾ ಕಾದು ನೋಡಬೇಕಾಗಿದೆ.

ಉದಯ ವಾರ್ತೆ
ಹುಬ್ಬಳ್ಳಿ.