ರೇಣುಕಾಸ್ವಾಮಿ ಮೇಲೆ ಪೊಲೀಸ್ ಲಾಠಿಯಿಂದ ಹಲ್ಲೆ ಮಾಡಿದ್ದ ಡಿ-ಗ್ಯಾಂಗ್! ದರ್ಶನ್ ಕೈಗೆ ಲಾಠಿ ಸಿಕ್ಕಿದ್ದು ಹೇಗೆ ಗೊತ್ತಾ..?

ನಟ ದರ್ಶನ್​ ಅವರಿಗೆ ಕಾನೂನಿನ ಸಂಕಷ್ಟ ಹೆಚ್ಚಾಗುತ್ತಿದೆ. ರೇಣುಕಾ ಸ್ವಾಮಿ ಕೊಲೆ ಕೇಸ್​ನಲ್ಲಿ ದರ್ಶನ್​ ಎ2 ಆಗಿದ್ದು, ಅವರ ವಿರುದ್ಧ ನೂರಾರು ಸಾಕ್ಷಿಗಳು ಪೊಲೀಸರಿಗೆ ಸಿಕ್ಕಿವೆ. ಚಾರ್ಜ್​ಶೀಟ್​ನಲ್ಲಿನ ವಿವರಗಳು ನಿಜಕ್ಕೂ ಶಾಕಿಂಗ್​ ಆಗಿವೆ. ಬಂದೋಬಸ್ತ್  ಗೆ ಬಂದಿದ್ದ ಪೋಲಿಸ್ ಪೇದೆಯ  ಲಾಠಿ.. ‘ಡೆತ್ ಡೇ’ಗೆ  ಉಪಯೋಗವಾಗಿದೆ.ರೇಣುಕಾಸ್ವಾಮಿ ಮೇಲೆ ಹಲ್ಲೆಗೆ ಬಳಸಿದ್ದ ಲಾಠಿ ಹಿಂದಿದೆ  ರೋಚಕ ಕತೆ.ಕಾನ್ಸ್​ಟೆಬಲ್​​ ಕರ್ತವ್ಯಲೋಪ ಹಿನ್ನಲೆ ಪೊಲೀಸ್ ಲಾಠಿ  D ಗ್ಯಾಂಗ್ ಕೈ ಸೇರಿದೆ. ಪಟ್ಟಣಗೆರೆ ಶೆಡ್​ಗೆ ಪೊಲೀಸ್ ಲಾಠಿ ಬಂದಿದ್ದು ಹೇಗೆ ಅನ್ನೋದು ರಿವಿಲ್ ಆಗಿದೆ.

ಫೆಬ್ರುವರಿ 16 ದರ್ಶನ್ ಬರ್ತಡೇ.  15ನೇ  ತಾರೀಕು ದರ್ಶನ್ ಮನೆಯ ಬಳಿ ಬಂದೋ ಬಸ್ತ್ ವೇಳೆ ಕಳೆದುಹೋದ ಲಾಠಿ ಜೂನ್ 11 ಪತ್ತೆಯಾಗಿದೆ. ಕಾನ್ಸ್​​ಟೇಬಲ್​ ರವೀಂದ್ರರಾಜರಾಜೇಶ್ವರಿ ನಗರ ಪೊಲೀಸ್ ಠಾಣೆಯ ಸಿಬ್ಬಂದಿ.ಆಗಿದ್ದು ದರ್ಶನ್ ಬರ್ತ್​ ಡೇ ಹಿಂದಿನ ರಾತ್ರಿ ಬಂದೋಬಸ್ತ್​ ವೇಳೆ ಯಡವಟ್ಟು ಮಾಡಿಕೊಂಡಿದ್ರು.

ಮರದ ಬಳಿ ಇಟ್ಟು ಮರೆತು ಡ್ಯೂಟಿ ಮುಗಿಸಿ ಠಾಣೆಗೆ ಹೋಗಿದ್ದ ರವೀಂದ್ರ ಬೆಳಿಗ್ಗೆ ಬಂದು ನೋಡೋ ಹೊತ್ತಿಗೆ ಇಟ್ಟ ಜಾಗದಿಂದ ಲಾಠಿ ಮಾಯವಾಗಿತ್ತು.ಬರ್ತ್ ಡೇ ದಿನದಂದು ದರ್ಶನ್ ಮನೆ ಬಳಿ​ ಜನಸಾಗರ ಸೇರಿತ್ತು. ಜನ ಜಂಗುಳಿ ಮಧ್ಯೆ ಎಷ್ಟೇ ಹುಡುಕಿದ್ರು ಲಾಠಿ ಸಿಕ್ಕಿರ್ಲಿಲ್ಲ. ಇದೀಗ ರೇಣುಕಾಸ್ವಾಮಿ ಮೇಲಿನ ಹಲ್ಲೆಗೆ ಅದೇ ಲಾಠಿ ಬಳಕೆಯಾಗಿದೆ.

ಲಾಠಿಯನ್ನ  ತೆಗೆದಿಟ್ಟುಕೊಂಡಿದ್ದ ದರ್ಶನ್ ಹುಡುಗರು ಜೂನ್​ 8ರಂದು ಅದೇ ಪೊಲೀಸ್​ ಲಾಠಿಯಿಂದ ರೇಣುಕಾಸ್ವಾಮಿಗೆ ಹಲ್ಲೆ ನಡೆಸಿ ಕೊಲೆ ಮಾಡಿದ್ದಾರೆ. ದರ್ಶನ್ ಹಲ್ಲೆ ಮಾಡಿದ ರಭಸಕ್ಕೆ ಲಾಠಿಯೇ ಛಿದ್ರವಾಗಿದೆ.ಇದೀಗ ರೇಣುಕಾಸ್ವಾಮಿ ಕೊಲೆ ಕೇಸಲ್ಲಿ ಲಾಠಿ ಸೀಜ್ ಆಗಿದ್ದು, ಪೊಲೀಸ್​ ಪೇದೆ ರವೀಂದ್ರಾಗೆ ಪೊಲೀಸ್​​ ನೋಟೀಸ್  ನೀಡಿ  ವಿಚಾರಣೆ ನಡೆಸಿ ಹೇಳಿಕೆ ದಾಖಲಿಸಿದ್ದಾರೆ. ರಾಜರಾಜೇಶ್ವರಿ ನಗರದ ಐಡಿಯಲ್ ಹೋಮ್ ಟೌನ್ ನಿಂದ ಪಟ್ಟಣಗೆರೆ ಶೆಡ್ ಗೆ ಲಾಠಿ  ತಂದಿದ್ದು ಯಾರು ಅನ್ನೋ ಅನುಮಾನ ಮೂಡಿದೆ. ಇನ್ನೇಷ್ಟು ಲಾಠಿ ಕದ್ದಿದ್ದಾರೋ ಅನ್ನೋ ಅನುಮಾನ ‌ಮೂಡಿದೆ..