ಚಿಕನ್ ಕಬಾಬ್,ಫಿಶ್ ಕಬಾಬ ಪ್ರಿಯರಿಗೆ ಸರಕಾರ ಬಿಗ್ ಶಾಕ್ .ಇನ್ಮುಂದೆ ಚಿಕನ್ ಕಬಾಬ ತಿನ್ನುವವರು ಈ ಸ್ಟೋರಿ ನೋಡಿ..

ಚಿಕನ್ ಕಬಾಬ್,ಫಿಶ್ ಕಬಾಬ ಪ್ರಿಯರಿಗೆ ಸರಕಾರ ಬಿಗ್ ಶಾಕ್… .ಇನ್ಮುಂದೆ ಚಿಕನ್ ಕಬಾಬ ತಿನ್ನುವವರು ಈ ಸ್ಟೋರಿ ನೋಡಿ..

ಬೆಂಗಳೂರು: ರಾಜ್ಯ ಸರ್ಕಾರ ಮಹತ್ವದ ಆದೇಶ ಹೊರಡಿಸಿದ್ದು, ಇನ್ಮುಂದೆ ಚಿಕನ್, ಫಿಶ್ ಹಾಗೂ ವೆಜ್ ಕಬಾಬ್‌ಗೆ (Kabab) ಇನ್ಮುಂದೆ ಕಲರ್ ಬಳಕೆ ಮಾಡುವಂತಿಲ್ಲ ಎಂದು ಹೇಳಿದೆ.

ರಾಜ್ಯದ್ಯಂತ ಮಾರಾಟವಾಗುತ್ತಿರುವ ವೆಜ್‌, ಚಿಕನ್‌, ಫಿಶ್‌ ಇತರೆ ಕಬಾಬ್‌ಗಳಲ್ಲಿ ಕೃತಕ ಬಣ್ಣದ ಬೆರೆಸುವಿಕೆಯಿಂದಾಗಿ ಗ್ರಾಹಕರ ಮೇಲೆ ದುಷ್ಪರಿಣಾಮ ಬೀರುತ್ತಿದೆ. ಹೀಗಾಗಿ ಕಬಾಬ್‌ ತಯಾರಿಕೆಯಲ್ಲಿ ಕೃತಕ ಬಣ್ಣಗಳನ್ನು ಬೆರೆಸುವುದನ್ನು ಬ್ಯಾನ್‌ ಮಾಡಿ ಎಂದು ಆದೇಶಿಸಿದೆ.

ರಾಜ್ಯದ 39 ಕಡೆಗಳಲ್ಲಿ ಕಬಾಬ್ ಮಾದರಿ ಸಂಗ್ರಹಿಸಿ ಪ್ರಯೋಗಾಲಯಕ್ಕೆ ನೀಡಲಾಗಿತ್ತು. ಇದರಲ್ಲಿ 7 ಸನ್‌ಸೆಟ್‌ ಯೆಲ್ಲೋ, 1 ಸನ್‌ಸೆಟ್‌ ಯೆಲ್ಲೋ ಹಾಗೂ ಕಾರ್ಮೋಸಿನ್ ಮಾದರಿ ಕಂಡು ಬಂದ ಹಿನ್ನೆಲೆಯಲ್ಲಿ ಸರ್ಕಾರ ಕಲರ್ ಬ್ಯಾನ್ ಮಾಡಿದೆ.

ಈ ಹಿಂದೆ ರಾಜ್ಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಇಲಾಖೆಯು ರಾಜ್ಯದಲ್ಲಿ ಕಾಟನ್‌ ಕ್ಯಾಂಡಿ ಮತ್ತು ಗೋಬಿ ಮಂಚೂರಿ ಮಾದರಿಯನ್ನು ಸಂಗ್ರಹಿಸಿದ್ದು, ಇವುಗಳಲ್ಲಿ ಬಳಸುವ ಕೃತಕ ಬಣ್ಣಗಳಲ್ಲಿ ಹಾನಿಕಾರಕ ರಾಸಾಯನಿಕ ಇರುವುದು ಪತ್ತೆಯಾಗಿತ್ತು. ಹೀಗಾಗಿ ಗೋಬಿ ಹಾಗೂ ಕಾಟನ್‌ ಕ್ಯಾಂಡಿಯನ್ನು ಬ್ಯಾನ್‌ ಮಾಡಿತ್ತು.

ಉದಯ ವಾರ್ತೆ
ಬೆಂಗಳೂರು.