ಹೆಂಡತಿ ಸೂಸೈಡ್ ಮಾಡಿಕೊಂಡ ಮರು ದಿನವೇ ಕೆರೆಗೆ ಹಾರಿ ಪ್ರಾಣ ಬಿಟ್ಟ ಗಂಡ!

ಮಂಡ್ಯ:- ಅವರಿಗೆ ಒಂದೂವರೆ ವರ್ಷದ ಮುದ್ದಾದ ಮಗು ಇತ್ತು. ನೆಮ್ಮದಿ ಜೀವನ, ಹೀಗೆ ಚಿಕ್ಕ ಸಂಸಾರ ತುಂಬಾ ಚೆನ್ನಾಗಿತ್ತು. ಆದರೆ ಆದ್ಯಾರ ಕಣ್ಣು ಬಿತ್ತೋ ಗೊತ್ತಿಲ್ಲ ದಂಪತಿ ದುರಂತ ಅಂತ್ಯವಾಗಿದ್ದಾರೆ. ಎಲ್ಲಿ, ಹೇಗೆ ಅಂತೀರಾ!? ಈ ಸ್ಟೋರಿ ನೋಡಿ. ಎಸ್ ಗೃಹಿಣಿ ನಿನ್ನೆ ತಾನೇ ಪತ್ನಿ ಆತ್ಮಹತ್ಯೆ ಮಾಡಿಕೊಂಡಿದ್ದು, ಇಂದು ಗಂಡನು ಕೂಡ ಸೂಸೈಡ್ ಮಾಡಿಕೊಂಡಿದ್ದಾನೆ. ಪತ್ನಿ ಮನೆಯವರ ಆರೋಪಕ್ಕೆ ಹೆದರಿ ಗಂಡನೂ ಆತ್ಮಹತ್ಯೆಗೆ ಶರಣಾಗಿದ್ದಾನೆ.

ಪತ್ನಿಯ ಸಾವಿಗೆ ಹೆದರಿ 26 ವರ್ಷದ ಗಂಡ ಮೋಹನ್ ಕೆರೆಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ನೆನ್ನೆ ರಾತ್ರಿ ಮೋಹನ್ ಮನೆಯಲ್ಲಿ ಪತ್ನಿ ಸ್ವಾತಿ ನೇಣು ಬಿಗಿದ ಸ್ಥಿತಿಯಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಘಟನೆ ಬಳಿಕ ಮನೆಯಿಂದ ಗಂಡ ಮೋಹನ್ ಹಾಗು ಆತನ ಪೋಷಕರು ನಾಪತ್ತೆ ಆಗಿದ್ದು, ಸಾಕಷ್ಟು ಅನುಮಾನ ಮೂಡಿತ್ತು.ಅಲ್ಲದೇ ಮೃತ ಯುವತಿಯ ಪೋಷಕರು ಕೂಡ ಗಂಡ ಹಾಗು ಆತನ ಮನೆಯವರ ವಿರುದ್ಧ ಕೊಲೆ ಆರೋಪ ಮಾಡಿದ್ದರು. ಅಲ್ಲದೇ ರಾತ್ರಿ ಯುವತಿಯ ಸಂಬಂಧಿಕರಿಂದ ಗಂಡನ ಮನೆಗೆ ನುಗ್ಗಿ ಬೆಂಕಿ ಹಚ್ಚಿ ದಾಂಧಲೆ ಮಾಡಿದ್ದರು.

ಇದೆಲ್ಲದರಿಂದ ಹೆದರಿರುವ ಗಂಡ ಮೋಹನ್ ಇಂದು ಬೆಳಿಗ್ಗೆ ಕೆರೆಗೆ ಬಿದ್ದು ಸೂಸೈಡ್ ಮಾಡಿಕೊಂಡಿದ್ದಾರೆ. ಸ್ಥಳಕ್ಕೆ ಕಿಕ್ಕೇರಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ. ಒಟ್ಟಾರೆ ಘೋರ ದುರಂತದಲ್ಲಿ ದಂಪತಿಯ ಬದುಕು ಅಂತ್ಯ ಕಂಡಿದ್ದು, ದಂಪತಿಯ ಸಾವಿನಿಂದ ಒಂದುವರೆ ವರ್ಷದ ಹೆಣ್ಣು ಮಗು ಅನಾಥವಾಗಿರೋದು ಕರಳು ಹಿಂಡುವಂತಿದೆ.