ಅರಿಶಿನ ಕಾಫಿ ಕುಡಿಯುವುದರಿಂದ ಸಾಕಷ್ಟು ಪ್ರಯೋಜನಗಳಿವೆ.ಇದು ಉತ್ಕರ್ಷಣ ನಿರೋಧಕಗಳು ಮತ್ತು ಉರಿಯೂತ ನಿವಾರಕಗಳಿಂದ ಸಮೃದ್ಧವಾಗಿದೆ. ಇದರಲ್ಲಿರುವ ಆ್ಯಂಟಿಆಕ್ಸಿಡೆಂಟ್ ಗುಣಗಳು ಯಕೃತ್ತನ್ನು ನಿರ್ವಿಷಗೊಳಿಸುವ ಕೆಲಸ ಮಾಡುತ್ತದೆ. ಇದರಿಂದಾಗಿ ನಿಮ್ಮ ಜೀರ್ಣಕ್ರಿಯೆ ಪ್ರಕ್ರಿಯೆ ಸುಧಾರಿಸುತ್ತದೆ. ಇದರೊಂದಿಗೆ ದೇಹವನ್ನು ಹಲವು ರೀತಿಯ ಸಮಸ್ಯೆಗಳಿಂದ ರಕ್ಷಿಸುತ್ತದೆ.
ಕಾಫಿ ಸೇವಿಸುವುದರಿಂದ ಅನೇಕ ಪ್ರಯೋಜನಗಳಿವೆ. ಮಾತ್ರವಲ್ಲ ಅನೇಕರು ಕಾಫಿಯನ್ನು ಪ್ರತಿನಿತ್ಯ ಇಷ್ಟಪಟ್ಟು ಕೂಡ ಸೇವಿಸುತ್ತಾರೆ. ಹಾಗಿದ್ರೆ ಕಾಫಿ ಜೊತೆಗೆ ಒಂದು ಚಿಟಕೆ ಅರಿಶಿಣ ಪುಡಿಯನ್ನು ಬೆರಸಿ ಕುಡಿಯುವುದರಿಂದ ಅನೇಕ ಅನುಕೂಲಗಳನ್ನು ಪಡೆಯಬಹುದಾಗಿದೆ. ಹಾಗಿದ್ರೆ ಆ ಅನುಕೂಲಗಳು ಯಾವುವು ಎಂಬುದನ್ನು ಇಲ್ಲಿ ತಿಳಿಯೋಣ
ಅರಿಶಿನವನ್ನು ಬೆರಸಿ ಕಾಫಿ ಕುಡಿಯುವುದರಿಂದ ತೂಕ ಇಳಿಕೆಯ ಜೊತೆಗೆ ಅನೇಕ ಉತ್ತಮ ಪ್ರಯೋಜನಗಳು ಕೂಡ ಸಿಗುತ್ತವೆ. ಅದರಲ್ಲಿ ಪ್ರಮುಖವಾಗಿ ಕೀಲು ನೋವು ಕಡಿಮೆ ಮಾಡುತ್ತದೆ: ಹೌದು, ಕಾಫಿಯಲ್ಲಿ ಅರಿಶಿನ ಬೆರಸಿ ಸೇವಿಸುವುದರಿಂದ ಕೀಲು ನೋವನ್ನು ಕಡಿಮೆ ಮಾಡುತ್ತದೆ. ಮಾತ್ರವಲ್ಲ ಈ ಕೀಲು ನೋವಿಗೆ ಅರಿಶಿನ ಕಾಫಿ ಪರಿಣಾಮಕಾರಿ.
ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ: ಪ್ರತಿಯೊಂದು ಅಡುಗೆಗೆ ಕೂಡ ಅರಿಶಿನವನ್ನು ಬಳಸಲಾಗುತ್ತದೆ. ಈ ಅರಿಶಿಣದಲ್ಲಿ ಆ್ಯಂಟಿ ವೈರಸ್, ಆ್ಯಂಟಿ ಬ್ಯಾಕ್ಟೀರಿಯಾ, ಆ್ಯಂಟಿ ಫಂಗಸ್‌ ಸೇರಿದಂತೆ ಅನೇಕ ಗುಣಗಳಿರುತ್ತದೆ. ಈ ಅರಿಶಿಣ ಪುಡಿಯಲ್ಲಿ ಸೋಂಕನ್ನು ನಿವಾರಿಸುವ ಗುಣ ಇರುತ್ತದೆ ಹಾಗಾಗಿ ರೋಗ ನಿರೋಧಕ ಶಕ್ತಿ ಹೆಚ್ಚಳ ಮಾಡುತ್ತದೆ
ಜೀರ್ಣಕಾರಿ ಸಮಸ್ಯೆ ಪರಿಹಾರ: ಅರಿಶಿಣದ ಕಾಫಿ ನಮ್ಮ ಜೀರ್ಣಾಂಗದ ವ್ಯವಸ್ಥೆಯನ್ನು ಆರೋಗ್ಯವಾಗಿರಿಸುತ್ತದೆ. ಈ ಕಾಫಿ ಕುಡಿಯುವುದರಿಂದ ಅಜೀರ್ಣ, ಗ್ಯಾಸ್ಟ್ರಿಕ್ ಹಾಗೂ ಹೊಟ್ಟೆನೋವಿನ ಸಮಸ್ಯೆಯನ್ನು ನಿವಾರಿಸಲು ಸಹಕಾರಿಯಾಗಿದೆ.
ಜ್ಞಾಪಕ ಶಕ್ತಿ ಹೆಚ್ಚಿಸುತ್ತದೆ: ಹೌದು, ಕಾಫಿಯಲ್ಲಿ ಕೆಫಿನ್‌ನಂತಹ ಅಂಶಗಳು ಇರುವುದರಿಂದ ಮೆಮೋರಿಯನ್ನು ಸುಧಾರಿಸುತ್ತದೆ. ಮತ್ತು ಮೆದುಳಿನ ಆರೋಗ್ಯ ಸುಧಾರಿಸುತ್ತದೆ. ಮೆದುಳಿನ ಉರಿ, ಆಕ್ಸಿಡೇಟಿವ್ ರೈಟ್ಸ್, ಪಾರ್ಕಿನ್ಸನ್‌ನಂತಹ ಕಾಯಿಲೆಗಳು ಬರುವುದಿಲ್ಲ
ಮೊಡವೆ ಕಡಿಮೆ ಮಾಡುತ್ತದೆ: ಅರಿಶಿಣದಲ್ಲಿನ ರೋಗ ನಿರೋಧಕ ಶಕ್ತಿಗಳು ಹಾಗೂ ಉರಿಯೂತ ನಿವಾರಕ ಅಂಶಗಳು ಮತ್ತು ಆರೋಗ್ಯಕ್ಕೆ ಅಗತ್ಯವಿರುವ ಅಂಶಗಳು ಮೊಡವೆಗಳನ್ನು ಕಡಿಮೆ ಮಾಡಲು ಸಹಕಾರಿಯಾಗಿರುತ್ತದೆ.
