ಆಧುನಿಕ ಕಾಲದಲ್ಲಿ ಪ್ರೆಷರ್ ಕುಕ್ಕರ್ ತನ್ನದೇ ಆದ ಸ್ಥಾನವನ್ನು ಪಡೆದುಕೊಂಡಿದೆ. ಪ್ರೆಷರ್ ಕುಕ್ಕರ್ ಕೇವಲ ಸಮಯವನ್ನು ಉಳಿಸುವುದಿಲ್ಲ,ಇದು ಪೌಷ್ಟಿಕಾಂಶದ ಮೌಲ್ಯವನ್ನು ಮತ್ತು ರುಚಿಯನ್ನು ಹಾಗೆ ಉಳಿಸುತ್ತದೆ ಎಂಬ ಅಂಶವನ್ನು ನಿಯಮಿತವಾಗಿ ಇದನ್ನು ಬಳಸುವವರೆಲ್ಲರೂ ಒಪ್ಪುತ್ತಾರೆ.
ಇತ್ತೀಚಿನ ದಿನಗಳಲ್ಲಿ ಪ್ರೆಷರ್ ಕುಕ್ಕರ್ ಇಲ್ಲದೆ ಇರುವ ಮನೆಯನ್ನು ಊಹಿಸಲು ಸಾಧ್ಯವಿಲ್ಲ. ಸಾಮಾನ್ಯವಾಗಿ ಪ್ರತಿಯೊಬ್ಬರ ಅಡುಗೆ ಮನೆಯಲ್ಲಿ ಇದು ಸದ್ದು ಮಾಡೇ ಮಾಡುತ್ತದೆ. ಆದರೆ, ಸರಿಯಾಗಿ ಇದನ್ನು ಬಳಸದಿದ್ದರೆ ತುಂಬಾ ಅಪಾಯಕಾರಿ ಅಡುಗೆ ಸಾಧನ ಎಂದು ನಿಮಗೆ ತಿಳಿದಿದೆಯೇ? ಪ್ರೆಶರ್ ಕುಕ್ಕರ್ , ಪ್ರೆಶರ್ ಯಿಂದ ಮತ್ತು ಒತ್ತಡದಿಂದ ಅಡುಗೆ ಮಾಡುವ ಕಾರ್ಯ ವಿಧಾನದ ಮೇಲೆ ಕಾರ್ಯನಿರ್ವಹಿಸುತ್ತದೆ.
ದರೆ ಕೆಲವೊಮ್ಮೆ ಕುಕ್ಕರ್ ಬಳಸುವಾಗ ಕೆಲವು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಕೆಲವೊಮ್ಮೆ ಅದರ ವಿಜಲ್ ಕೂಗುವುದಿಲ್ಲ. ಕೆಲವೊಮ್ಮೆ ಆಹಾರವು ಬೆಂದು ಕುಕ್ಕರ್ ಒಳಗಿನಿಂದ ನೀರು ಆಚೆ ಬರುತ್ತದೆ. ಕೆಲವೊಮ್ಮೆ ಅಕ್ಕಿ ಬೇಳೆ ಬಂದು ವಿಜಲ್ಗೆ ಅಡ್ಡಿಯಾಗುತ್ತದೆ. ಇಂತಹ ಸಮಯದಲ್ಲಿ ಏನು ಮಾಡಬಹುದು ಮತ್ತು ಈ ಸಮಸ್ಯೆಗೆ ಪರಿಹಾರವೇನು ಎಂದು ನಾವಿಂದು ತಿಳಿಯೋಣ.
ಸರಿಯಾದ ಪ್ರಮಾಣದ ನೀರು: ನೀವು ಕುಕ್ಕರ್ಗೆ ಆಹಾರ ಬೇಯ್ಯುವುದಕ್ಕೆ ಹಾಕುವ ನೀರಿನ ಪ್ರಮಾಣವು ಮುಖ್ಯವಾಗಿದೆ. ನೀವು ಕುಕ್ಕರ್ನಲ್ಲಿ ಹೆಚ್ಚು ನೀರು ಹಾಕಿದ್ದರೆ ವಿಜಲ್ ಕೂಗಿದಾಗ ನೀರು ಹೊರಗೆ ಬರುತ್ತೆ. ಅಡುಗೆ ಮಾಡಲು ಪ್ರೆಶರ್ ಕುಕ್ಕರ್ನಲ್ಲಿ ಹೆಚ್ಚು ನೀರು ಹಾಕಿದರೆ ಇದರಿಂದ ಪ್ರೆಶರ್ ಕುಕ್ಕರ್ ವಿಜಲ್ ಹೊಡೆಯಲು ಪ್ರಾರಂಭಿಸುತ್ತದೆ. ಇದರಿಂದ ಹೆಚ್ಚುವರಿ ನೀರು ಹೊರ ಬರುತ್ತದೆ. ಆದ್ದರಿಂದ ಯಾವಾಗಲೂ ಸರಿಯಾದ ಪ್ರಮಾಣದ ನೀರನ್ನು ಕುಕ್ಕರ್ಗೆ ಹಾಕಿ.
ಮಧ್ಯಮ ಉರಿ: ಅಕ್ಕಿ, ಬೇಳೆಕಾಳು ಇತ್ಯಾದಿಗಳನ್ನು ಬೇಯಿಸಲು ಕುಕ್ಕರ್ ಅನ್ನು ಬಳಸುವಾಗ ಜ್ವಾಲೆಯು ತುಂಬಾ ಹೆಚ್ಚಿದ್ದರೆ, ಹೆಚ್ಚಿನ ಶಾಖದ ಕಾರಣ, ನೀರು ಕುದಿಯುತ್ತವೆ ಮತ್ತು ಕುಕ್ಕರ್ನ ನೀರಿನ ಸೀಟಿಯಿಂದ ಹೊರಬರಬಹುದು. ಹಾಗಾಗಿ ನೀವು ಮಧ್ಯಮ ಶಾಖವನ್ನು ಬಳಸಿದರೆ ಅದು ಉತ್ತಮವಾಗಿದೆ.
ಶುಚಿಗೊಳಿಸುವಿಕೆ: ನಿಮ್ಮ ಕುಕ್ಕರ್ ಸೀಟಿಯು ಕೊಳಕಾಗಿದ್ದರೆ ವಿಜಲ್ಯನ್ನು ಸ್ವಚ್ಛಗೊಳಿಸುವುದು ಅವಶ್ಯಕ, ಕೆಲವೊಮ್ಮೆ ಕೊಳಕಿನಿಂದಾಗಿ ವಿಜಲ್ ಹೊಡೆಯಲು ಸಮಯ ತೆಗೆದುಕೊಳ್ಳುತ್ತದೆ. ಮತ್ತು ವಿಜಲ್ ಹೊಡೆದಾಗ, ನೀರು ಅದರೊಂದಿಗೆ ನುಗ್ಗಲು ಪ್ರಾರಂಭಿಸುತ್ತದೆ. ಹಾಗಾಗಿ ಪ್ರೆಶರ್ ಕುಕ್ಕರ್ ವಿಸಿಲ್ ಅನ್ನು ಬಳಸುವ ಮೊದಲು ಅದನ್ನು ಚೆನ್ನಾಗಿ ಸ್ವಚ್ಛಗೊಳಿಸುವುದು ಉತ್ತಮ.
ಗ್ಯಾಸ್ಕೆಟ್: ನಮ್ಮ ಭಾರತೀಯ ಬಜೆಟ್ ಮನೆಗಳು ಒಂದೇ ಗ್ಯಾಸ್ಕೆಟ್ ಅನ್ನು ಬಹು ಕುಕ್ಕರ್ಗಳಿಗೆ ಬಳಸುವ ಅಭ್ಯಾಸವನ್ನು ಹೊಂದಿವೆ. ಈ ಕಾರಣದಿಂದಾಗಿ ಇದು ಕೆಲವೊಮ್ಮೆ ಬೇಗನೆ ಹಾಳಾಗುತ್ತದೆ ಮತ್ತು ಕೆಲವೊಮ್ಮೆ ಕೊಳಕು ಆಗುತ್ತದೆ. ಅಂತಹ ವೇಳೆ ಕುಕ್ಕರ್ನಿಂದ ನೀರು ಸೋರಿಕೆಯಾಗಲು ಪ್ರಾರಂಭಿಸುತ್ತದೆ. ಆದ್ದರಿಂದ ಕುಕ್ಕರ್ ಬಳಸುವ ಮುನ್ನ ಪರಿಶೀಲಿಸಿ. ಪ್ರತ್ಯೇಕ ಗ್ಯಾಸ್ಕೆಟ್ ಅನ್ನು ಶಿಫಾರಸು ಮಾಡಲಾಗಿದೆ.
ಕುಕ್ಕರ್ ಮುಚ್ಚಳಕ್ಕೆ ಹಾನಿ: ಕುಕ್ಕರ್ ಹಳೆಯದಾಗಿದ್ದರೆ ಅಥವಾ ಅದರ ಮುಚ್ಚಳವನ್ನು ಸರಿಯಾಗು ಮುಚ್ಚದಿದ್ದರೆ, ಅದು ಹಾನಿಗೊಳಗಾಗಬಹುದು ಮತ್ತು ಅದರಿಂದ ನೀರು ಹೊರಗೆ ಬರಬಹುದು. ಹೀಗೆ ಆದರಲ್ಲಿ ತಕ್ಷಣ ಗ್ರಾಹಕ ಸೇವೆಯನ್ನು ಸಂಪರ್ಕಿಸಿ ಮತ್ತು ಮುಚ್ಚಳವನ್ನು ಪರೀಕ್ಷಿಸಿ.
ಇದನ್ನು ಒಂದು ಬಟ್ಟಲಿನಲ್ಲಿ ಬೇಯಿಸಿ: ಇನ್ನೊಂದು ಉತ್ತಮವಾದ ಸಲಹೆಯೆಂದರೆ ಕುಕ್ಕರ್ನೊಂದಿಗೆ ಒಂದು ಸಣ್ಣ ಬಟ್ಟಲನ್ನು ಮುಚ್ಚಿ ಅಕ್ಕಿ, ಬೇಳೆಯನ್ನು ಬೇಯಿಸುವುದು. ಇದು ಮೇಲಕ್ಕೆ ಏರುವ ನೀರನ್ನು ನಿಯಂತ್ರಿಸುತ್ತದೆ ಮತ್ತು ಅಕ್ಕಿ, ಉದ್ದು ಅಥವಾ ಸೀಟಿಯ ಮೂಲಕ ಹೊರಬರುವ ನೀರನ್ನು ಕಡಿಮೆ ಮಾಡುತ್ತದೆ.
