ಹೊಟೆಲ್ ರಾಜಾ… ರಾಜೇಂದ್ರನಿಗೆ ರಾಜ್ಯೋತ್ಸವ ಪ್ರಶಶ್ತಿ…

Share to all

ಹೊಟೆಲ್ ರಾಜಾ… ರಾಜೇಂದ್ರನಿಗೆ ರಾಜ್ಯೋತ್ಸವ ಪ್ರಶಶ್ತಿ….

ಹುಬ್ಬಳ್ಳಿ:-ಹುಬ್ಬಳ್ಳಿ ಧಾರವಾಡ ಮಹಾನಗರ ಪಾಲಿಕೆ ವತಿಯಿಂದ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿಗೆ ಸಾಮಾಜಿಕ ವಿಭಾಗದಿಂದ ಹೊಟೆಲ್ ಉದ್ಯಮ ರಾಜೇಂದ್ರ. ವಿ. ಶೆಟ್ಟಿ ಆಯ್ಕೆಯಾಗಿದ್ದಾರೆ.

ಶ್ರೀ ಪಂಜುರ್ಲಿ ಸಮೂಹದ ಸ್ಥಾಪಕರಾದ ರಾಜೇಂದ್ರ. ವಿ. ಶೆಟ್ಟಿಯವರು, ಹುಬ್ಬಳ್ಳಿ ಧಾರವಾಡದಲ್ಲಿ ಚಿರಪರಿಚಿತ ವ್ಯಕ್ತಿ, ಅನೇಕ ಸಾಮಾಜಿಕ ಕೆಲಸಗಳನ್ನು ಮಾಡುತ್ತಾ, ಸಮಾಜಕ್ಕೆ ಮಾದರಿಯಾಗಿ ಬೆಳೆದು ಬಂದವರು, ಬಂಟ ಸಮಾಜದ ಇತಿಹಾಸದಲ್ಲಿ ಪ್ರಥಮವಾಗಿ ಹುಬ್ಬಳ್ಳಿ ಧಾರವಾಡ ಮಹಾನಗರ ಪಾಲಿಕೆಯಿಂದ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಪಡೆಯುತ್ತಿರುವ ಪ್ರಥಮ ವ್ಯಕ್ತಿ, ನಿಜವಾಗಲೂ ಇದು ಬಂಟ ಸಮುದಾಯಕ್ಕೆ ಒಂದು ಸಂತೋಷದ ಕ್ಷಣ. ಇವರು ಮಾಡುವ ಅನೇಕ ಸಾಮಾಜಿಕ ಕಾರ್ಯಗಳಿಗೆ, ಈ ದಿನ ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆ, ಸಾಮಾಜಿಕ ವಿಭಾಗದಲ್ಲಿ ಇವರನ್ನು ಆಯ್ಕೆ ಮಾಡಿದೆ. ಇವರ ಸಾಧನೆ ಇನ್ನೂ ಹೆಚ್ಚಿನ ಮಟ್ಟಕ್ಕೆ ಒಯ್ಯಲಿ ಎಂದು ಬಂಟರ ಸಂಘ ಅಭಿನಂದನೆ ಸಲ್ಲಿಸಿದೆ.

ಹೊಟೆಲ್ ಉದ್ಯಮದಲ್ಲಿ ರಾಜನಾದ ರಾಜೇಂದ್ರ ಶೆಟ್ಟಿ ಬೆಳೆದು ಬಂದ ದಾರಿ ಅವರಿಗೆ ಮುಳ್ಳಿನ ಹಾಸಿಗೆಯೇ ಆಗಿತ್ತು.ಸರಳ..ಸೌಜನ್ಯಕ್ಕೆ ಇನ್ನೊಂದು ಹೆಸರೇ ರಾಜೇಂದ್ರ ಶೆಟ್ಟಿ.ಅವರ ಸರಳತೆ ಮತ್ತು ಪರಿಶ್ರಮಕ್ಕೆ ಇವತ್ತು ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದೆ.

!!ರಾಜೇಂದ್ರ ಶೆಟ್ಟಿ ಅವರ ಬಗ್ಗೆ ಒಂದಿಷ್ಟು ಮಾಹಿತಿ..!!

ನಿಮಗನಿಸಬಹುದು ಯಾರೀ ರಾಜಣ್ಣ ಅಂತಾ…ರಾಜಣ್ಣ ಒಬ್ಬ ಹೋಟೆಲ್ ಉದ್ಯಮಿ..ಅವರಿಗೆ ಅಭಿಮಾನಿಗಳು ಉಂಟು..ಆಯ್ತಪ್ಪ ಸರಿ ಹೋಟೆಲ್ ಉದ್ಯಮಿಗೇಕೆ ಅಭಿಮಾನಿಗಳು ಅಂಥಹದೇನಿದೆ ಅವರ ಹೋಟೆಲುಗಳಲ್ಲಿ ಅಂತೀರಾ?

ಹಾಗಾದರೆ *ಶ್ರಿ ಪಂಜುರ್ಲಿ ಗ್ರೂಪ್ ಆಫ್ ಇಂಡಸ್ಟ್ರೀಸ್* ನ ಹುಬ್ಬಳ್ಳಿ,ಧಾರವಾಡ,ಬೆಳಗಾವಿ ಯಲ್ಲಿರುವ ಅವರ ಹೋಟೆಲುಗಳಿಗೆ ಭೇಟಿ ಕೊಡಿ..ಮಾನವನಾಗಿ ಹುಟ್ಟಿದ ಮೇಲೆ ನೀವು ಏನೇನು ಕಂಡಿದ್ದೀರೊ ಕಾಣಲಿಲ್ಲವೊ ನಾಕಾಣೆ! ಆದರೆ *ಶ್ರಿ ಪಂಜುರ್ಲಿ* ಸಮೂಹದ ಹೋಟೆಲುಗಳನ್ನು ನೀವು ಕಾಣಲೇಬೇಕು..

ಅದರಲ್ಲೂ ನಾನು ಹೆಚ್ಚಾಗಿ ಕಂಡ ಹುಬ್ಬಳ್ಳಿಯ *ಲೀಲಾವತಿ ಪ್ಯಾಲೇಸ್* ನ ಆತಿಥ್ಯ ದ ಬಗ್ಗೆ ಬರೆಯಲೇಬೇಕು…

ಇಲ್ಲಿ ಊಟಕ್ಕೆ ಬರೊ ಪ್ರತಿಯೊಬ್ಬರನ್ನು ನಗುಮುಖದೊಂದಿಗೆ ಆತ್ಮೀಯವಾಗಿ ನಮಸ್ಕರಿಸಿ ಬರಮಾಡಿಕೊಳ್ಳುವುದೇ ವಿಶೇಷ!
ಅದರಲ್ಲೂ ಮಾಲಕರುಗಳೂ ಸಹ ಬರುವ ಅತಿಥಿಗಳನ್ನು ಗೌರವದಿಂದ ನಮಸ್ಕರಿಸಿ ಬರಮಾಡಿಕೊಳ್ಳುತ್ತಾರೆ..
ನೀವು ಇವರ ರೆಸ್ಟೋರೆಂಟ್ ಗೆ ಕಾಲಿಟ್ಟ ಕ್ಷಣದಿಂದ ನಿಮ್ಮ ಆತಿಥ್ಯದ ಸಂಪೂರ್ಣ ಜವಬ್ದಾರಿ ಇಲ್ಲಿನ ಆಡಳಿತ ಮಂಡಳಿ ಮತ್ತು ಸಿಬ್ಬಂದಿ ವರ್ಗದ್ದು.ನಿಮ್ಮ ಪ್ರತೀ ಹೆಜ್ಜೆಗೂ ಇಲ್ಲಿನ ಗೋಡೆಗಳ ಮೇಲಿನ ಭಿತ್ತಿ ಪತ್ರಗಳನ್ನು ನೀವು ಕಾಣುತ್ತೀರಿ…ಅದರಲ್ಲೇನಿದೆ ವಿಶೇಷ ಅಂತೀರಾ? ಅಲ್ಲೇ ಇರೋದು ವಿಷಯ!
ಇವೆಲ್ಲಾ ಸಾಮನ್ಯ ಭಿತ್ತಿ ಪತ್ರಗಳು ಅಥವ ಸ್ಟಿಕ್ಟರ್ ಗಳಲ್ಲ ಬದಲಾಗಿ ಈ ದೇಶ ಕಂಡಂತಹ ಮಹಾನ್ ಸಾಧಕರ ಫೋಟೊಗಳು…ಸ್ವಾತಂತ್ರ್ಯ ಹೋರಾಟಗಾರರು,ಆಧ್ಯಾತ್ಮ,ಸಾಹಿತ್ಯ,ಸಂಗೀತ,ಜನಸೇವೆ,ರಾಜಕೀಯ,ಸಾಮಾಜಿಕ,ವೈದ್ಯಕೀಯ,ಸಿನೇಮಾ ರಂಗಗಳಲ್ಲಿ ಮಹೋನ್ನತ ಸಾಧನೆ ಮಾಡಿದವರ ಫೊಟೊಗಳನ್ನು ಬಹಳ ಅಚ್ಚುಕಟ್ಟಾಗಿ ಜೋಡಿಸಿ ಪ್ರದರ್ಶಿಸಲಾಗಿದೆ.
ಅಷ್ಟೇ ಅಲ್ಲ…ಜನಸೇವೆಯೆ ಜನಾರ್ಧನ ಸೇವೆ ಅನ್ನೊ ಹಾಗೆ ಈ ದೇಶಕ್ಕಾಗಿ ದೇಶದ ಜನರಿಗಾಗಿ *ಎಳ್ಳಷ್ಟೂ ಸ್ವಾರ್ಥ* ವಿಲ್ಲದೆ ಸೇವೆ ನೀಡಿ *ತೆರೆಮರೆಯಲ್ಲಿರೊ ಸಾಧಕರನ್ನು* ಗುರುತಿಸಿ ಅವರ ಬಗ್ಗೆ ಕಿರುಪರಿಚಯ ನೀಡಿರೋದು ಇಲ್ಲಿನ ಪ್ರಮುಖ ಆಕರ್ಷಣೆ…ಅವರೇ ಇಲ್ಲಿ *ಭಾರತದ ಅಮೂಲ್ಯ ರತ್ನಗಳು*!! ಅನೇಕರಿಗೆ ಈ ಅಮೂಲ್ಯ ರತ್ನಗಳ ಬಗ್ಗೆ ತಿಳಿದಿದ್ದೆ ಇಲ್ಲಿಗೆ ಬಂದ ಮೇಲೆ..ಅನೇಕರೇಕೆ ನನಗೂ ಇಂತಹ ಮೇರು ಸಾಧಕರ ಬಗ್ಗೆ ಗೊತ್ತೇ ಇರಲಿಲ್ಲ..
*ಶುಚಿ ರುಚಿಯಾದ ಊಟದ ಜೊತೆಗೆ ಜ್ಞಾನದ ಸವಿ! ಆಹಾ! ವಾಟ್ ಎ ಗುಡ್ ಕಾಂಬಿನೆಷನ್!!*

ಇನ್ನು ನಾನಿಲ್ಲಿ ಬಂದಾಗ ನೋಡಿದ ಸುಂದರ ಸನ್ನಿವೇಷವೊಂದನ್ನು ಹೇಳಲೇಬೇಕು….
ಊಟಕ್ಕೆ ಕುಳಿತ ಒಬ್ಬ ಸಣ್ಣ ಹುಡುಗ ಆಡುವ ನೆಪದಲ್ಲಿ ಟೇಬಲ್ ನಿಂದ ಹೊರ ಬಂದು ಗೋಡೆಯ ಮೇಲೆ ಭಕ್ತಿ ಪೂರ್ವಕವಾಗಿ ಜೋಡಿಸಲಾಗಿರುವ ಸ್ವಾಮೀಜಿಗಳ ಫೋಟೋಗಳನ್ನು ನೋಡಿ ತನ್ನ ತಂದೆಗೆ ಅವರ ಬಗ್ಗೆ ಕೇಳುತಿದ್ದಾಗ ಅಪ್ಪ ತಾಳ್ಮೆಯಿಂದ ಆ ಮಹಾನ್ ಸ್ವಾಮೀಜಿಗಳ ಬಗ್ಗೆ ಮಗನಿಗೆ ಹೇಳಿಕೊಡುತ್ತಿದ್ದರು..ಹೀಗೆ ಅನೇಕ ಸಾಧಕರ ಬಗ್ಗೆ ನಮ್ಮ ಯುವ ಪೀಳಿಗೆಗೆ ಪರಿಚಯ ಆಗುವಂತ ಹೋಟೆಲ್ *ರಾಜಣ್ಣ* ನದ್ದು.ಇಲ್ಲಿನ ಗೋಡೆಗಳ ಮೇಲಿನ ಬರಹಗಳಲ್ಲೇ ಅತೀ ಹೆಚ್ಚಾಗಿ ಜನರು ನೋಡುವ,ಓದುವ ಬರಹವೊಂದಿದೆ ಓದಿ..
*ಗರ್ಭದಲ್ಲೇ ಗುಡಿ ಕಟ್ಟಿ*
*ರಕ್ತದಲ್ಲೇ ಅಭಿಷೆಕ ಮಾಡಿ*
*ಕರುಳನ್ನೇ ಹಾರ ಮಾಡಿ*
*ಒಂಬತ್ತು ತಿಂಗಳು ಹೊಟ್ಟೆಯಲ್ಲಿಟ್ಟು ಪೂಜಿಸಿ ಕಾಪಾಡುವ ದೇವತೆಯೇ ತಾಯಿ!!!*….ಈ ಬರಹ ಓದಿ ತಾಯಂದಿರ ಮೇಲೆ ಗೌರವ ಇಮ್ಮಡಿಯಾಗಿ ಭಾವುಕರಾಗದ ಮನಸ್ಸುಗಳಿಲ್ಲ…

ಇನ್ನು ಇವರ ಹೋಟೆಲ್ ಗಳ ಕೆಲಸ ಮಾಡುವ ಪ್ರತೀ ಸಿಬ್ಬಂದಿಗಳನ್ನು ಕೆಲಸದವರಂತೆ ಕಂಡವರಲ್ಲ *ರಾಜಣ್ಣ*…
ಅಂದು ದಿನದ ಅನ್ನ ಸಿಕ್ಕರೆ ಸಾಧನೆ ಅಂತಿದ್ದ *ರಾಜಣ್ಣ* ಇಂದು ಸುಮಾರು 800 ಕ್ಕೂ ಹೆಚ್ಚು ಮನೆಗೆ *ಅನ್ನದಾತ!*
ಹೋಟೇಲು ಅಂದ ಮೇಲೆ ಬರೀ ಪುರಷರು ಮಾತ್ರ ಇಲ್ಲಿ ಕೆಲಸಕ್ಕಿಲ್ಲ ಅನೇಕ ಮಹಿಳೆಯರೂ ಕೂಡ ಇಲ್ಲಿ ದುಡಿದು ಬದುಕುತ್ತಾರೆ…ಇವರಲ್ಲಿ ಯಾರೇ ಎದುರು ಸಿಕ್ಕರೆ ಕೈ ಮುಗಿದು ನಮಸ್ಕರಿಸುತ್ತಾರೆ *ರಾಜಣ್ಣ*.
ಮಾತಾಡಿಸಲು ಬರುವ ಪುರುಷ ಸಿಬ್ಬಂದಿಗಳಿಗೆ *ರಾಜಣ್ಣ* ನ ಪ್ರೀತಿಯ ಆಲಿಂಗನ!

ತನ್ನ ಸಿಬ್ಬಂದಿಗಳಿಗೆ,ಮಿತ್ರರಿಗೆ,ಸಂಬಂದಿಗಳಿಗೆ ಉದ್ಯೋಗ ಮಾತ್ರ ನೀಡಿಲ್ಲ ಬದಲಾಗಿ ಅವರನ್ನೂ ಉದ್ಯಮಿಗಳನ್ನಾಗಿಸಿದ್ದಾರೆ *ರಾಜಣ್ಣ.* ಅವರ *ಶ್ರೀ ಪಂಜುರ್ಲಿ ಗ್ರೂಪ್ ಉದ್ಯಮಿಗಳನ್ನು ಸೃಷ್ಟಿ ಮಾಡುವ ಕಾರ್ಖಾನೆ* ಎಂದರೆ ಅತಿಶಯೋಕ್ತಿ ಖಂಡಿತ ಅಲ್ಲ! ಅನೇಕ *ಉದ್ಯಮ‌ ರತ್ನಗಳ ಶಿಲ್ಪಿ ಒಬ್ಬರೇ ಅವರೇ ರಾಜಣ್ಣ!*

ಇನ್ನು ಇಲ್ಲಿಗೆ ಅನೇಕ ಮಂತ್ರಿಗಳು, ಸಿನೇಮಾ ತಾರೆಯರು, ಗಣ್ಯ ವ್ಯಕ್ತಿಗಳು ಆಗಮಿಸಿ ಊಟದ ರುಚಿ ಸವಿಯುತ್ತಾ ಹೋಟೆಲ್ ನಲ್ಲಿ ಕಾಣಸಿಗುವ ಭಾಷ ಪ್ರೇಮ,ದೇಶಪ್ರೇಮದ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡುತ್ತಾರೆ…ತನ್ನ ಮಾತೃಭಾಷೆ, ನಾಡಭಾಷೆ ಹಾಗು ಸಮಾಜಕ್ಕೆ ಉತ್ತಮ ಸಂದೇಶ ಕೊಡುವ ಮೂಲಕ ಈ ದೇಶಕ್ಕೆ ಏನಾದರೂ ಸೇವೆ ನೀಡಬೇಕೆಂಬ ಆಸೆಗಳನ್ನು ತನ್ನ ಹೋಟೆಲ್ ಗಳಲ್ಲಿ ಈಡೇರಿಸಿದ್ದಾರೆ *ರಾಜಣ್ಣ*..
*ಹುಬ್ಬಳ್ಳಿ, ಧಾರವಾಡ,ಬೆಳಗಾವಿ* ದಾವಣಗೆರೆ ಯಲ್ಲೂ ದೇಶ ಪ್ರೇಮದ ತೇರನ್ನು ಎಳೆದಿದ್ದಾರೆ.

*ಇಂದು ರಾಜಣ್ಣನಿಗೆ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದೆ..*….
ಈ ನಾಡು ಕಂಡಂತಹ ಶ್ರೇಷ್ಠ ಉದ್ಯಮಿಗಳಲ್ಲಿ *ರಾಜಣ್ಣ* *ಅದ್ವಿತೀಯರಾಗಲಿ*,ಅವರಿಂದ ಸ್ಪೂರ್ತಿ ಪಡೆದು ಇನ್ನೂ ಅನೇಕ ಉದ್ಯಮ ರತ್ನಗಳು ಹೊರಹೊಮ್ಮಲಿ ಅಂತ ನಿರೀಕ್ಷಿಸುತ್ತಾ ಅವರ *ರಾಜ್ಯೋತ್ಸವ ಪ್ರಶಶ್ತಿ ಸಿಕ್ಕಿದ್ದಕ್ಕೆ ಅಭಿನಂದನೆ * ಸಲ್ಲಿಸುತ್ತಾ ಹಾಗು ಅವರ ಮುಂದಿನ ಎಲ್ಲಾ ಹೆಜ್ಜೆಗಳಿಗೆ ಯಶಸ್ಸನ್ನು ಕರುಣಿಸಲಿ

ಉದಯ ವಾರ್ತೆ
ಹುಬ್ಬಳ್ಳಿ


Share to all

You May Also Like

More From Author